起步之初 加入鄺氏出版社負責勾頭
和仔訪問中透露於1992年入行初期加入鄺氏之後負責勾頭。第一本負責作品就係《江湖大佬》。之後參與《鬼書皇》以及《拳皇96》的創作。佢表示果陣工作非常輕鬆，因為只需要負責勾頭嘅部分。
創出《魔神傳》 延續《武神》
之後和仔1997年加入「海洋創作有限公司」，由《凶獸武者》開始參與工作。直到1999年的時候和仔指見到有一組人暫時有時間嘅時候，決定膽粗粗向溫日良(肥良)交稿，最後創出《魔神傳》。
此後，和仔除左推出《魔神傳》第2輯同第3輯之外，更參與《暴拳凶星》、《絕地天行》等等嘅作品。到2003年更主編肥良嘅作品《武神》延續篇作《武神鳳凰》。
然而，佢表示《武神鳳凰》時期其實幾緊張，因為本身最趕都只係試過參與雙週刊，第一次週刊不多不少都好大壓力。幸好肥良相信並鼓勵佢，所以成績都算唔錯。
成立壹本創作
和仔表示2006年的時候想證實下自己同覺得應該要做一些屬於自己嘅野，所以離開「海洋創作」成立壹本創作。
壹本創作成立首套作品就係《火龍》。不過由於3個月左右先推出一本，超出預期最後中止。其後創作出《殺道行者》逐漸走上正軌。完結《殺道行者》之後創出《封神紀》，表示《封神紀》連載期間因為自己想盡量仔細所以辛苦。
《封神紀》第一輯完的時候，和仔突然想做出嘗試推出為期3期嘅《野狼與瑪莉》試讀者反應，結果意外爆紅，令到和仔獲得信心之後不時推出短編。
直到2015年嘅時候突然諗到想創作《西遊記》後繼續故事發展，產出嘅作品就係《西遊》。《西遊》推出之後甚至成為和仔嘅賣書新記錄。
《西遊》完結之後，創作三國題材嘅《三國誌異》、《西遊》外傳《阿修羅》、《路西法》等等幾套作品。
直到《西遊》系列作品《妖怪道》大結局之後會休息壹本創作團隊將會解散。休息原因就覺得當時想有轉變，雖然營運方面情況仍然可以，但覺得為做而做，所以覺得想暫停畫業。
資料來源：
