「所有嘢都係你計劃好......」我有點難以置信，眼前的Sona計劃居然會那麼深入：「大本營嘅人失蹤、不法者監獄穿咗個洞走犯......」
「哈...哈哈哈...雖然我唔知佢哋幾時會打入嚟...」Sona露出陰森卻帶住恐懼的笑容：「不過...呢到......遲早都會由樂園化為焦土...」
「你咁做值得咩！！？」
「兇手捉唔到...無人想對我......伸出援手...我就只可以好似隻老鼠咁......喺地面下苟氣殘存...」Sona笑哭不定，說：「我已經...受夠......我唔鐘意呢種感受...我...我唔想自己一個......」
「只要你出句聲，呢到嘅人一定會幫你。」
「我...哈......呢到係強姦我嘅人個仔管治嘅地方...我仲要佢救我...？！哈...哈哈哈......我仲要一個兇手嘅仔嚟救我？！！！」Sona凝望著雙掌，情神不穩：「除咗自殺...我真係得番呢個方法...我真係得番報仇呢個方法......我都唔想嫁！！！」
說畢，Sona又想落床逃走，不過在她上次熟睡前，護士已經將她手腳束好在床上，所以她只能在有限度的移動。
「啊呀呀呀呀呀呀呀呀呀呀！！！！！！！！！！」Sona淒楚地叫喊。
眼見Sona目前的情況，我再糾纏也是多餘，因為斷不可能，單單我幾句話和一個故事，就能把她治癒好吧。
「不法者......照佢咁講，睇嚟呢到都時間無多，不過都要等聽日巴力一整好鎖匙，先可以去放走明雲。」我憂心地盯著地板。
「Hi！鳥嘴先生！」那位心理醫生過來跟我打招呼：「你又嚟探佢啊？Sona。」
「佢情況似乎唔多穩定...」
「好正常嘅，所以我準備用催眠法。」他說。
「催眠法？呢樣嘢聽落冇乜根據。」
「我準備入去試下，睇下會唔會幫到Sona小姐。」他興高采烈地展露笑容：「我好耐都無遇過精神有問題嘅人，依家遇番～我又有啲技癢。」
「催眠......即係控制佢？」我問。
「唔係～世上當然冇乜催眠係可以控制到人，控制到人嗰啲叫洗腦！」他釐清了兩者的區別：「催眠係一種勾起人深層記憶嘅方法。」
「深層記憶？」
「或者咁講，係被遺忘嘅記憶，人有一種好神奇嘅功能，就係將自己過往極度痛苦嘅回憶拋棄喺一個區域，係大腦嘅自我保護記制嚟。」他更邀請我一同進去：「如果你想清楚啲，可以一齊入埋佢。」
「但佢仲發緊癲。」Sona應該很難馬上冷靜下來吧。
「唔緊要，發癲都總會攰嘅，攰嘅時候就係催眠嘅好時候。」說畢，醫生戴上了一個可愛的兔子面具：「準備入去啦。」
「你都準備得幾充足......」
這次，有專家在場，我就不插嘴了。
「今日好精神喎。」醫生走到Sona的床邊。
可是Sona還是瘋狂依然，不斷用拳頭敲打著床身，又不斷地撕叫。
「你記唔記得啱啱食咗啲咩？」醫生再問。
如是者，這一問不答的情況維持了兩個小時左右，就停止下來了。因為Sona已經筋疲力盡，再也沒力氣去發狂了，只軟軟地躺在床上、半合著眼睛凝視著雪白的天花板。
醫生特意在她的床檯上，放置了一個搖鐘，一滴一滴的搖擺著，就像拍子機。
「真係有用？我望咗個鐘分鐘，都仲好精神......」我低聲在醫生耳邊，說。
醫生則低聲回我耳語，說：「呢個鐘係用嚟吸引佢注意力，猶其係佢呢啲精神病患...好鐘意望實某一點，望足半日。如果呢個搖鐘融入到佢世界，佢就唔會太過分心。」
「嗯...」雖然聽不懂，但好像很有道理。
二十分鐘後。
「醫生，得未？」我再三問。
「佢已經望住個鐘，我之後會慢慢開始催眠佢。」說罷，醫生開始用溫柔的聲線，說：「Sona，你試幻想下自己喺一片草地上......」
我望望Sona，見她沒半點反應。
「嗰到有藍天、白雲，得你自己一個，風慢慢吹到你身上，抬頭就會係個一望無際嘅天空。」醫生徑自地說下去。
Sona眼皮微微地跳了一跳。
「聞下，就會聞到清草嘅味道，你唔受任何人束、自由自在。」醫生說。
Sona完全閉上了眼皮。
「你喺草原見到一道白色嘅門，慢慢打開佢，你見到入面係一個地鐵站。入去之後，就一直向前行，行過樓梯，見到密集嘅高樓，但係天空依然蔚藍。」
他在描述著什麼地方......
「你向左行，就發現到一個小社區，入面有好多喺到歡樂咁燒烤，香腸嘅肉味輕輕咁飄入你個鼻，兩個小朋友拎住一藍一黃嘅氣球，佢哋放手之後，氣球慢慢飛上天～你細步咁行入去，大家都無發現你嘅存在。」醫生說得十分細緻，連我都幻想得到大概畫面：「你坐咗落其中一張平滑嘅石椅上，望住燒烤爐，等待緊一個人嚟到......」
看似疲倦的Sona，嘴角有點泛揚。
「...」醫生停了下來。
「......」醫生依然沒有再說什麼。
我疑惑地張開眼睛，發現他一面苦惱。
「你搞咩......」我靠到他耳邊，說：「想佢永遠望住個燒烤爐等一個不明嘅人嚟？」
「唔係啊...我作唔到落去啦......我靈感就係去到呢到渣...」他有點慌張地說：「同埋佢又唔想見到男人、又對其他女性冇乜具體印象，好難作個人俾佢見...」
「你唔係應該好專業...？」
「我又唔係全職作家...幫手諗諗啦...總之畫面一定要靚，充滿住幸福嘅顏色同感覺，氣氛唔可以太激烈，同埋要指示佢下一步嘅行動......呢個大概就係製造催眠夢境嘅大概法則，你跟住作！」醫生多提醒一句，說：「記住要用溫柔嘅聲線...」
「咁...我明啦。」逼不得已下，我只好代替醫生說下去：「一陣輕風慢慢掠過你嘅臉旁，你慢慢咁抬起頭，見到一個鳥嘴先生，佢對你示好，坐咗喺你對面。」
「Good啊...！居然諗到用啲唔存在嘅生物......鳥嘴先生嚟代替男人同女人！」醫生暗地激讚。
「你哋有啲餓，所以去拎咗一盤京蔥同雞肉，烤咗一陣已經傳嚟陣陣嘅蜜糖香味，你同佢大啖咁咬落啲肉到～肉嫩皮軟。」我留意到，Sona吞了吞喉。
「鳥嘴先生佢企喺身，邀請你捉住佢隻手，你捉住，然後佢變咗一個紅色氣球出嚟，俾你拎住。」我盡自己能力，說得就說：「共渡咗一段歡樂嘅時光。」
「係時候入正題......」醫生在我耳邊提醒。
「正題...？」我不明。
「嗰間......佢好執著嘅K房。」
「點講...」彷彿，要我把Sona從天堂帶入地獄中。
難得見到病床上的她，流露著美麗的笑容，卻要讓她再次痛苦。
「就由佢無啦啦走入去嗰度開始......」醫生說：「慢慢勾起佢所有記憶。」
現在無可退路的我，唯有說下去：「你忽然好想去某個地方，倖存區二期嘅K館。儘管不安，你依然踏步前進，因為你好想知道某啲事情嘅真相......你好想了結心中嘅願。」
「再講得真實啲......呢個陰影，佢遲早要面對，呃佢周圍都係色彩繽紛嘅美好，都係呃緊佢自己。」醫生緊要地提醒。
「周圍嘅氣氛開始靜落嚟，你全神貫注咁，想去迎接嗰一個真相。」我說下去，也自覺殘忍：「你走入荒靜無人嘅二期會所走廊，嗰到就只係得你嘅腳步聲，一直向前行再向左轉，你就見到K館。」
但是，不如醫生所說，把場景描述得真實的話，是無法讓Sona想起當時的情景並面對。
根據他們二人口述，這裡曾經發生過大屠殺，我就盡可能說得血腥：「入面傳嚟一陣陣血腥，你慢慢行入去，發覺場面又暗又紅，覺得好大壓力......」
Sona眉頭緊閉著，顯得十分焦惶。
「你越走入嗰間「房」，你走越覺走廊嘅空間好壓抑，近乎扭曲，渾身充滿住不安的情緒同感覺。」
「...」Sona眼角流出一顆淚水。
「終於，你行入到房間，終於見到一切嘅真相。」
「唔...唔好......唔好行入嚟...」Sona說出了畏懼的夢語，床上的她不自禁抱住了自己：「雙刀...嘅......男人...勾鷹鼻...唔好......唔好殺我家人...！」
「救佢！」醫生用力地拍我膊頭。
「...」一時間，我語頓起來：「鳥...鳥嘴先生！及時出現，喺門口前，佢張開雙手擋住一切入嚟嘅人。」
稍後幾秒，Sona的神情有所解憂。
「鳥嘴先生用雨傘幫你打走咗雙刀嘅男人，保護你嘅安全。」我說。
「啊...」Sona喘了口大氣，呼吸有點急速：「...老男人...佢想接近我...用盡方法想接近我......」
「鳥嘴先生企到你面前，幫你擋住所有攻擊。」我續說下去，開始覺得這不單是一場夢境的內容：「每一下攻擊，都只會令我哋更強壯，變得更大。而老男人就相反，變得越嚟越渺小，鳥嘴先生一直都喺到保護住你。」
「唔...呃...嗄......」Sona雖然抹去了剛才的畏色，不過神情還是帶住焦急。
「最後，帶佢離開。」醫生最後提醒。
「陰影終於消失，鳥嘴先生保護住你，令你大過一切嘅陰影，依家帶住一切嘅「真相」，捉住鳥嘴先生個氣球，慢慢飛上到高空。你喺天上望住嗰間K館越嚟越渺小......你都漸漸脫離嗰到，往新嘅天空前進。」我說完了。
在我把整段虛構的故事說完後，受催眠而深睡的Sona已經兩目是淚，由眼角緩緩地流到自己的瓜子臉下。
醫生點點頭，我也嘆了口氣的休息。
良久，Sona漸漸打開眼皮，往左右兩邊望去。
一見到旁邊的我，便馬上緊抱住我，令我反應不來......
「鳥嘴...先生...！」她抱得十分之緊，無視床繩帶來的束縛：「我知道...我已經記番起所有事情......嗚...嗚......」
成...成功！？
「你...係Sona？真正嘅Sona？」我反覆地問。
「我已經脫離嗰到......終於唔再喺嗰到......」
「啱...」聽到這裡，我寬容一笑，把一隻手放到她背上：「開始新嘅生活，新嘅天空等住你抬頭望。」
「唔...」Sona飲泣地點頭。
接下來，醫生再為她做全面的評估和測試，包括她怎麼會出現在病房中。
而Sona的理智，亦似乎稍為回來了。
她沒有再執著於那一間K館的房間，記起了過往的事情，包括雙親在眼前的死去，自己遭到侵犯和致命的暴力對待。
「醫生...點解你要...戴住個面具。」Sona問。
「因為......」醫生有點猶豫：「我係個男人。」
接著，醫生為她進行最後的測試──把自己的面具脫下。
結果，Sona沒有因此變得瘋狂，只是有點畏怯之色。
最後醫生大概診斷出，Sona舊有的復仇性人格好像消失，現在的主人格重新回來了，這次催眠算是大成功。
不過，她很快又需要睡眠，醫生也不阻她了。
「幾成功。」脫下面具的醫生，從病房出來對我說：「換轉係我，都可能做唔出呢種程度，可以喚醒返佢。」
「嗯，都只係用把講...」我說。
「佢已經算係接受咗自己發生過嘅事......」醫生點點頭，說：「但當然，盡可能都唔好再提起。」
「佢對於以前...自己另一個人格殺人、綁架嘅事有冇印象？」
「殺人...綁架...？」醫生臉色轉變。
「講錯...總之佢有冇以前嗰個復仇心好重嘅人格記憶？」
「冇，佢嘅記憶......似乎停留咗喺兩年前悲劇發生嗰一晚。」醫生搖一搖頭：「表示嗰人格已經佔據咗佢身體兩年寶貴嘅時間。」
「有時悲痛同仇恨，的確可以吞噬一個人嘅一切。」我淡然地說。
「Sona佢的確係一個好慘嘅女仔，佢依一刻嘅生存動力......就你虛構嗰個鳥嘴先生。」
「咁係好事定壞事？」
「至少，令佢有個生存寄望。」醫生望向病房中，又再熟睡的她。
「咁就好。」我點頭。
「我幾好奇～容我多口問一句，你同佢係咩關係？」醫生好奇地問。
「......同路人。」
「同路人，明白！之後佢再定時食藥，應該就冇問題，功成身退！」
「我可以點叫你？」
「嘿，叫我風流醫生啦。」醫生苦笑著，說：「其實當初我都係因為見到有個咁眉清目秀嘅女精神病患，先主動過嚟幫手，下次見！」
就此，用了一天的時間，Sona的事就暫且結束了。
翌日一早，我便去問地鐵站的巴力拿鎖匙了，因為第三天已到，是放走明雲的日子。
加上以前那個復仇Sona，似乎跟不法者有點聯繫......會對這裡不利。
說不定，少佐正是發現了什麼，才久久未回來。