給對方知道自己來自「不良人」，不見得是件好事吧。
「點解你會去救艾匡...」國王感激地問。
「聽講救到佢，你會賞賜好多艾幣？」白魂說。
國王點點頭，然後向圍觀的眾人高喊：「請各位俾熱烈嘅掌聲呢位英雄──白魂！」
「Wo──！！！！！！！！！」
現場發出高昂的呼喊聲，白魂望住周圍有點愕然，頭一次面對這種情況。
「白魂勇士！」國王牽住艾匡的手，走到白魂面前：「好感激你救走咗艾匡！如果你唔介意，我想邀請你入去皇宮一齊用餐。」
「當然好啦！！！」白魂聽到這句才露出燦爛的笑容，說：「我要食肉飲酒嫁！」
「你唔出去？可以一齊領獎。」此時，老闆出現到我後面。
「我冇興趣接受人歌頌。」我抱手，在暗角望住被國王邀請上高橋的白魂。
「你朋友，會唔會返嚟跟你？」
「唔知，大家都有各自嘅路行。」我凝視住遠處的白魂，說：「跟實我，我反而唔習慣。」
就在高橋繼續前進後，我留意到跟在尾排的皇室成員中，有個我眼熟的人。
我馬上會神地凝視住那個人，錯不了......董倫。
「...」我怔了下，他怎會出現在這裡：「老闆，跟喺國王後排個班...係咩人嚟。」
「喔，係貴族～」老闆回答：「即係個班有錢、有權、有地位，或者有專業知識嘅人。」
先不要說他為何當上了貴族成員，他是如何從不良人那裡逃出後來到寶琳倖存區的......
「哈哈，又睇中咗咩商機？你望實佢哋。」老闆說。
「唔係...」
董倫，到底是一個什麼的人物。
今天國王出遊，就要艾匡公主被接回皇宮為完結，白魂也一同跟進了皇宮，即是寶琳地鐵站上蓋的私樓與會所。
而我都總算拋下了，最後一個包袱。
坐在「寶琳柒拾」，我吃著老闆精心製作的醬油炒麵。
我大腦沒有空間去感受那咸干的味道，一腦都是今天看見董倫的畫面。
「考慮成點，」王達尼出現到我面前，並拿著樽威士忌坐下：「Time is money啊。」
「你知唔知，董倫出現喺呢個倖存區......」一見他來，我便問。
「我第一次...同你喺大本營八樓爆格個條友？」王達尼有點印象。
「係。」
「我唔清楚，可能佢最近先嚟。」
「嗯，佢最近先入到呢個倖存區。」
「係咪都唔緊要，只要對你冇影響。」
「...」我也不清楚他對我的影響。
「講返正題先，我叫你諗嘅事，考慮成點？」
「做你哋嘅病者保鑣？其實，點解你哋唔搵「病獵」。」我對王達尼說：「聽講呢到山邊，有一座病獵公會。」
王達尼聽我這般說，便緩緩地取出一根煙出來點燃抽著，彷彿即將要說出一個悠長的故事：「你新嚟，你可能唔明病獵公會發生過咩事。」
「睇你樣，好似有段故事？」我說。
「邊行邊講。」王達尼站起。
於是，我跟他在大街商場中邊行邊說著。
「你講嘅病獵公會，其實已經沒落咗。」王達尼嘆出口煙氣，說：「而且......已經冇人想提。」
「唔好再賣關子，講重點。」我說。
「大概，已經係一年多之前嘅事～？個公會入面有個好出名嘅傳說級病獵，被寶琳倖存區嘅人稱為「白鯨」，實力出眾嘅佢仲聚集咗一班有意對付病者嘅菁英病獵。」王達尼帶點婉惜地說：「可惜，佢似乎發現咗一啲重要線索，有一次佢帶住差唔多全隊病獵公會嘅人出去調查之後......就冇咗返過嚟。」
「...」
「後來，有人喺寶康公園發現咗，幾乎全隊人嘅殘骸。」王達尼搖搖頭，說：「呢個消息一傳開，大家原本嘅希望都變成死灰......冇再諗過任何改變命運嘅轉機。」
王達尼帶我離開商場後，指住遠方的山邊：「佢咃個公會，就係個座聖堂。係喺倖存區範圍外面，不過得一條馬路相隔。」
我凝視住那唯獨地坐落於山邊的聖堂，說：「我哋有冇機會，入去睇下。」
「咳～要入去都得，聽聞「白鯨」消失之後，只係得番兩、三個當日冇去調查嘅公會成員喺入面。」王達尼把手上的威士忌給了我，說：「飲啖吧，天氣凍。」
「...」我目光不移地遠眺那間聖堂，並喝口王達尼給的威士忌。
寒風依舊刺骨。
我跟王達尼走了十分鐘左右的路，便到了那兒的邊境，只見三、四名守衛在看守著出入口，彷彿那荒廢的病獵聖堂，早已被人遺棄在一角般。
「喂，哥仔。」王達尼拿去我手上喝得所餘無乎的威士忌，轉讓給出入口的守衛：「整啖？」
倖存區守衛有點疑惑地接過威士忌，先嗅了嗅：「你係......」
王達尼交付了十塊艾幣到他手上：「有啲事要出一出去。」原來是賄賂。
「你咁樣我好難做，呢家咁夜係禁止出去......」
「好快，我哋去一去前面座山間聖堂。」王達尼說。
「今日指揮咁啱唔喺到......」守衛咬咬牙，說：「我當見唔到，但冇下次。」
透過小手段，我們成功離開了寶琳倖存區。
位於倖存區外面，一街之隔的山邊聖堂，我們徒步行走就能到達。只是上山的路徑還得花一點腳力，先要行上一條大斜坡，再踏上好幾層的樓梯才能正式到達聖堂門口。
建在山邊的聖堂，外圍的牆身被藤蔓依附生長著，顯然已經長期沒人打理。
雖有荒廢之態，但彷彿聖氣猶在。
「入去？」與我停在門口的王達尼望向我，用腳踏熄了煙頭：「你好似......對呢到好有興趣。」
「我哋入去睇下。」我把聖堂的門推開。
我心裡有一種奇妙的感覺，
到底，還有誰能這般犧牲自己，去成就這個世界。
「病獵......」王達尼望住聖堂內的周圍，說：「一個同送死冇分別嘅職業。」
聖堂內建築不浮而華，每一木一柱都乾淨冇瑕。在不知哪來的火光照射下，周遭都是暖眼的米色，稍為暗的地方則是麥色。
這裡沒有外來的雜音，因為遠離了寶琳那邊的商業區，莊嚴非常。
「呢座聖堂係幾靚，有錢我都會買咗佢......」王達尼有點婉惜地說：「可惜起喺倖存區外面。」
從前在西方教堂才見到神聖的弧彎拱門，現在都一一收在我眼內。
「冇人...？」我望住鬼影都沒一隻的聖堂。
「你哋想搵邊個？」悠然，一把如銀鈴般的女聲從聖堂側門傳來。
我們轉頭望去，發現一位修女裝扮的女性。烏黑濃密的長髮上，戴住了看上去飄渺淡薄的頭紗，身上穿住雪白的聖袍，並戴住了復古的圓框眼鏡。
「我...呃我哋係......」王達尼有點緊張。
「佢想請病獵。」我代王達尼說。
「喂......唔好幫我亂講嘢。」王達尼拉一拉我袍袖。
「佢哋暫時都唔喺到。」她說。
「呢到歷史睇落幾遙遠......」
「嗯。」對方去倒了杯奶茶給我們，說：「你哋有咩事情要託付我哋？」
「可唔可以喺到淨坐...哈哈哈哈！」王達尼哈哈大笑地說。
「隨便。」
「病獵公會？」我坐到一張長椅上，說：「任何有關病者嘅事，都可以搵你哋？」
「嗯，」對方點頭，說：「只要係能力範圍之內，報酬又足夠嘅話。」
「喔，要報酬啊......」王達尼聽到這句後，搖搖頭有點苦惱：「果然搵自己人好啲......」
「病獵公會仲有幾多人？呢到睇落好似得你一個。」我望住那女生。
「三個，叫賴桑同奎斯。」她優雅地點點頭，說：「仲有我，Nina。」
「你成個聖女咁款，你都係病獵嚟？好難相信......」王達尼盯住她。
「我只係負責打理呢到一切。」Nina說。
「喔～其實我都係嚟參觀下。」王達尼說。
「唔～隨便。」
「聽聞呢到曾經有過一位好出名嘅病獵......叫白鯨？」我望住Nina。
「白鯨...佢係我哋公會第一代病獵會長。」她如實地說：「之後一次出外調查嘅行動......」
「咁依家嘅病獵公會嘅會長，係邊個？」
「唔～仲未有，因為白鯨只係失蹤。」
「失蹤...都已經成年，你哋應該好清楚咩事......」王達尼毫不掩飾地說。
「雖然搵到其餘公會同伴病獵嘅屍骸，不過唯獨白鯨...佢嘅屍體都仲未搵到，表示仲有機會生存緊。」Nina面不改色地說：「所以，我仲相信佢係存活。」
在這麼舒服的環境，我們坐了一會。
「真係好，居然唔會趕走人。」我不自覺淺笑：「仲以為呢到係私人禁地。」
而且，是個寧靜的地方。
「反正已經好冷清，多一、兩個人未尚唔係好事。」Nina微笑：「呢到一向被倖存區嘅人當做危險之地。」
「當然啦...」王達尼周圍地探頭凝視，說：「你哋起喺倖存區外面...有做啲同病者有關連嘅工作。」
「係呢，兩位點解咁突然參觀呢到？除咗我兩位同伴之外，我都好耐冇同過其他人傾計。」Nina說。
「我以前...係做相關嘅工作。」我說。
「即係你都有對付病者嘅經驗？」
「嗯，所以聽講呢到有病獵公會......就覺得總要嚟睇下。」這感覺是好奇？也不完全是。
「喺呢個世界搵到同自己做住同一件事嘅人，覺得自己並唔係孤單，係一件幸福嘅事。」她對我說。
「...係。」我按住面具，笑了笑：「我仲以為成個世界得我一個，以前咁熱衷去對付病者。」
這種公會，我覺得有如「希望」的存在。
「多謝你杯奶茶。」我們是時候走了。
「嗯，再見。」她點頭。
我和王達尼離開聖堂後，都有種心靜的感覺。
是脫離了人類社會的束縛，靜下來才能體會到的心跳聲。
「參觀完啦？考慮成點。」王達尼馬上又問：「加入我商團嘅事。」
我望地上的石階，又望了天上的皎月想了想，說：「暫時性加入，遲啲我會自立門戶。」我都不想再受任何事束縛，錢賺夠就算了。
「嘿，你能力足夠嘅話隨便～」王達尼說。
突然，一陣警報聲響起......
聲音正正源於我們身後的聖堂！
「哇...咩事？！」王達尼嚇得聳了下肩：「唔通......」
接著，道別不到一分鐘的Nina把聖堂大門開了，對我們說：「請你哋立即入返嚟。」
「咩事？」我問。
這聲音比起警報聲，更像是教堂大鐘響起時發出的聲音。
「佢哋嚟緊，」Nina望向混沌的天空，說：「喺天空盤旋嘅病者。」
「病翼......」我望住Nina指的那邊，的確一群病爪正從高空飛往寶琳倖存區。
「呢個鐘聲......係代表即將有病者入侵個陣，病獵公會要發出嘅聲報嚟。」經常遊走各地倖存區的王達尼向我解釋：「所有人聽到鐘聲，都要立即返入建築物入面，除咗守衛。」
話未說完，那群飛翔得極快的病翼已經去到寶琳倖存區上方，俯衝向地面的人類，用那銳利的勾爪把人抓起飛到半空之上，一陣慘絕人寰的救命聲隨即傳來......
「唔好再企喺外面，入去先！」王達尼推住我的背進去聖堂。
「我通報得太遲...」Nina從側邊的樓梯，走上到聖堂二樓去。
「居然會有呢種事......」剛才幾個人類被活生生地抓到半空之上的畫面，還在我腦裡。
「呢個算係寶琳倖存區嘅唯一缺點，病翼有時會突然飛入倖存區襲擊人類。」王達尼苦惱地說：「距離上次發生呢啲事...已經係兩個月之前。」
「...我哋冇嘢做到？」我說。
「有，匿好。」王達尼簡短地答。
之後，我跟了Nina上到二樓，上面的牆身都是由書櫃而成，放滿住不同的書籍。而Nina她，正正用著一個單筒望遠鏡觀察著城區病翼的行動。
「有咩用？」我走上前，問。
「觀察佢哋飛向嘅範圍，可以判斷出佢哋嘅巢穴大約位置。」她鎮靜地答。
不久，持有自製弓箭的守衛紛紛走出街頭上，對天空的病翼發箭，但準成度和力度弱得沒話說......
被病翼捉起的大人，都被抓到十多樓的高空，再鬆爪放下讓他們活活地墜地摔死。「砰─砰─砰──」的人類墜地聲，每一下都無比的沉重。
「依個畫面......夠我發一個月惡夢。」在聖堂二樓大窗前到這幕的王達尼，感到後悔不已。
「嘻嘎...嘻哈哈嘎嘎！！嗥嗥嗥......」、「嗥！啾啾，啅啅──」、「咭嘻！！！咯啾唂，嘿嘿嘿嘿...」
聯群結黨的病翼在天上發出不知名的聲音，但感覺上......就像對人類的嘲笑一樣。
其中一隻病翼更像留意到我們般，把一個年約四十的女婦人抓緊飛來聖堂這邊，再用力地甩爪一擲！那名女婦人的身軀隨即飛向過來......
「小心...！」王達尼大喊。
我馬上把望遠鏡前的Nina撲下，「呯──！」清脆的玻璃碎裂聲，那名被病翼擲過來的女婦人撞破了玻璃窗，撞死在聖堂二樓內。
「...」玻璃碎末，都飛到我背上。
「喂...喂！！」王達尼凝望住那名被擲進來的女婦人......已經死掉了。
「二樓唔安全，落去。」Nina說。
「好多病翼......」我站起，並扶起了她。
「佢哋每次嘅目的都係捉走一啲細路返去自己巢穴。」Nina不安地說：「估計...今次又要捉走一批先會停止。」
「捉走細路？有咩用...」我們總算落到一樓了，完全密封的空間。
「唔清楚，我哋冇咁多人手去調查。」Nina答。
「唉...」王達尼靠牆坐下，嘆氣：「咁樣俾病者搞一搞，估計區內好多貨物又會升價。」
我們三人在一樓渡過了最不平穩的一晚，待病翼飛走離去的時候，已經是凌晨兩時多。原本一片喧嘩聲的熱鬧倖存區，只餘得一片死寂。
人們聽見沒聲了，便爭相地探頭出窗外凝望情況。
不少從高空墜地而死的人，屍件都橫飛著或是變得稀巴爛。
慘狀一片。
那一晚，守衛都忙著清理屍體。
翌日大家都照常地上班、閒逛，就像不曾發生過一樣。
但能偶然聽到街上哭得很慘的倖存者得知，他們有些人當中失去了孩子，被病翼抓走去了。「喺呢個世界搵到同自己做住同一件事嘅人，覺得自己並唔係孤單，係一件幸福嘅事。」她對我說。
「...係。」我按住面具，笑了笑：「我仲以為成個世界得我一個，以前咁熱衷去對付病者。」
這種公會，我覺得有如「希望」的存在。
「多謝你杯奶茶。」我們是時候走了。
「嗯，再見。」她點頭。
我和王達尼離開聖堂後，都有種心靜的感覺。
是脫離了人類社會的束縛，靜下來才能體會到的心跳聲。
「參觀完啦？考慮成點。」王達尼馬上又問：「加入我商團嘅事。」
我望地上的石階，又望了天上的皎月想了想，說：「暫時性加入，遲啲我會自立門戶。」我都不想再受任何事束縛，錢賺夠就算了。
「嘿，你能力足夠嘅話隨便～」王達尼說。
突然，一陣警報聲響起......