有日我行過報攤買本「賭神」，嘩！忽然發現有人從公司出走，愉咗我「自由人」嘅晝稿，我立時呼暍斥責，嘩，你知對方點反應呢，但扮晒鎭定，唔肯對話，竟然放隻短毛看門狗出嚟對住我吠，吠呀吠，狗話吠個不停，狗吠嘅內容自然空洞，你知啦，D狗只係識得護主，求其食飽D、大隻D，睇得咪掂囉！我無計可施，唯有諗住走入公司，拉番隻狗出嚟鬥吠頂住住檔啦，弊，弊傢伙，揾勻成間「自由人」，全部都係有用嘅「人」，揾隻狗睇吓都有，一日都係自己衰孤寒，短毛狗值幾銀啫，又吠得又睇得，養佢十零廿年都好平啫，預早曉得搖定尾、擺定頭，實在過癮，爲乜唔養番隻呢？嗱，嗱，嗱，今回衰咗，人哋隻狗咁兇狠，豎起晒D短毛，成個戰鬥格，睇嚟仲曉得「黃狗射尿」等歹毒污糟招數，無嘢咯，求其中一招，已經得償所願，個主人隔狗觀戰，一樂也。